भली मोठ्ठी काडेपेटी | BIG, BIG MATCHOX

प्रेम आता बारकाईने बारीक बारीक वस्तू शोधू लागला. आई स्वयंपाकघरात पोहे करत होती. त्याच्या नाकात तो खमंग वास शिरला. तो लगेच स्वयंपाकघरात गेला. तिथं त्याला बारीक मोहरी सापडली, जिर्‍्याचा बारीक दाणा सापडला आणि लाल मिरचीचं बारीक बीही सापडलं. त्यानं साखरेचा एक कण, तांदळाचा एक दाणा, गव्हाचा एक दाणा घेतला. त्यानं हे सारं काडेपेटीत ठेवून दिलं. या छोट्या छोट्या दाण्यांबरोबरच मका, बाजरी, हरभरा आणि इतर काही धान्यांचा एकेक दाणा त्यानं काडेपेटीत ठेवून दिला.