बिचारा | BICHARA

14 सापाचा खेळ पाहून आईला मागून भाकरी आणून देतील. सापाला पाहायची त्यांना मोठी उत्सुकता असेल, आवडही असेल. सापाची भीतीही वाटेल. पण गारुडी जवळ असतांना ती फार घाबरणार नाहीत. खडे-बिडे मारून ती सापाला डिवचतीलही. थोडे फार सापाला डिवचले तर काय बिघडते? सापाचा फणा पोरांना मोठा विचित्र वाटेल. चित्रातील सापाचा फणा पाहून त्यांना जेवढे नवल वाटते त्याहून खूपच अधिक नवल! तो खराखुरा फणा पाहून त्यांच्या मनाचे समाधान पण होईल. पण पोरांना कागदी सापाची भीती वाटत नाही. केवळ नवल वाटते. तसेच या सापाबाबतही वाटेल खेळ सुरू झाला आणि पेटार्‍याचे झाकण उघडले गेले. सापाला आपल्या डोक्यावर उजेड पडलाय असे वाटले. तो आनंदाने फणा काढून वर सरसावला. समोर आपला उपकारकर्ता गारुडी पुंगी वाजवतांना दिसला. मग काय विचारता? तो साप फणा काढून डोलू लागला. गुंग होऊन पुंगीचे बोल ऐकता ऐकता आपल्या उपकारकर्त्यासमोर उभा राहिला